Недвед уште една година во Јуве?

[Ivaan]

Ветеранот на Јувентус, Павел Недвед наскоро ќе почне преговори со раководството на клубот за продолжување на договорот за уште една година. Многумина очекуваа 35-годишниот чешки интернационаец да ја заврши трофејната кариера на крајот од оваа сезона, но тој с$ уште има желба да настапува во Лигата на шампионите. Од доаѓањето од Лацио во 2001 година, Недвед одигра над 200 натпревари во дресот на Јувентус и оваа сезона повторно е еден од најзначајните фудбалери во тимот на Клаудио Раниери.

Според италијанските медиуми, Чехот, сепак, ќе прифати значително намалување на годишните примања, слично како што тоа го направи Паоло Малдини во Милан, а неодамна најави и дека е можно да игра за чешката репрезентација на Европското првенство. Средбата меѓу агентот на Недвед, Мино Ринола и челниците на Јувентус е закажана за почетокот на следниот месец и тогаш ќе се знае судбината на искусниот фудбалер.