Наумов во Жишков до 2010 година

[a-pin-dim]

ГОЛГЕТЕРОТ ПОТПИША ЗА ЧЕШКИОТ ТИМ
Наумов во Жишков до 2010 година
*"Понудата беше одлична а најупорен за моето доаѓање тука беше славниот Павел Кука кој е директор на клубот", коментира Наумов
Ристе Наумов во следните две години ќе биде член на чешкиот прволигаш Викторија Жишков. Штипјанецот вчера ја донесе крајната одлука околу неговата иденина со што ги одби понудите од Војводина и Етникос Ахна.

"Потпишав на две години со Викторија Жишков", беше потврдната изјава околу трансферот на Ристе Наумов кој вчера околу 12 часот беше на потпишувањето на договорот со новиот клуб.

"Задоволен сум. Понудата е одлична а најупорен за моето доаѓање тука е славниот чешки голгетер Павел Кука кој неколкупати беше во Кипар да го гледа моите настапи. Тој е спортски директор на мојот нов клуб. Се надевам дека и тука ќе има многу голови од моја страна. Чешка е одлична земја и се надевам дека настапите во Жишков ќе ми бидат добра отскочна даска за трансфер во некој подобар клуб", дополнува Наумов кој летово беше во центарот на вниманието откако лани за една полусезона "експлодира" во дресот на Етникоа Ахна и постигна 12 голови. Имаше многу понуди, варијанти и преговори а Жишков го одби потписот на голгетерот. Оваа екипа пред две недели неуспеа да најде договор со нашиот младински репрезентативец Зоран Златковски

Толески ги отвори вратите

"Доаѓам во земја каде во минатата сезона јадобар странец беше нашиот Гоце Толески. Тоа е голем предизвик затоа што морам да тргнам по неговите стапки. Тој ги отвори вратите за нашите фудбалери и се надевам дека со него ќе имам битка за титулата најдобат стрелец во лигата", коментира Наумов за атмосферата во Чешка каде клубот очекува и тој како и Толески да ги полни мрежите на противниците.