Катанец денес прозива во Сараево

[Ivaan]

Селекторот на македонската репрезентација, Срекќо Катанец, денес во Сараево ќе го одржи првиот собир пред пријателскиот натпревар со соодветната селекција на БиХ, кој ќе се одигра в среда, во Зеница. Нашата селекција ќе одработи два тренинга во главниот град на БиХ, а на денот на одигрувањето на мечот ќе отпатува во Зеница. Првиот собир е закажан за денес, во хотелот Радон Плаза, додека теренот на кој ќе се одработат мини подготовките с$ уште не е познат.
Што се однесува до формата и настапите на нашите репрезентативци, единственот Ванчо Трајанов не беше дел од тимот на Черноморец на мечот против Локомотив од Софија, како и Игор Јанчевски, кој го немаше во стартниот состав на Енозис Паралимни на дуелот со Доха Катакопија.

Иако се стравуваше дека Дарко Тасевски може да го пропушти пријателскиот меч, сепак, се покажа дека неговата повреда не е сериозна како што известуваа бугарските медиуми. Фудблерот од средниот ред вчера одигра цел меч за Левски.

Инаку, натпреварот в среда ќе биде вкупно петти меѓу Македонија и БиХ. Двете репрезентации имаат по една победа, а два меча завршиле со нерешен резултат.