Супи и чорби

[gkamcev]

Zdravo,koj e glaven tuka za corbite...
teleska corba,pileska,ckembe,itn kazete recepti.....

[No_One]

Па како бе да сме немале тема за супи и чорби? Страмота

Со чорбите јас не експериментирам. Шкембе чорба не можам да ја смислам ни како збор а не пак да пробам.
Телешка ептен ако не ми замириса може и да пробам и на проба да остане.

Дома готвам она што го јадеме сите, пилешка и рибја чорба.

Пилешка чорба

Се варат подолго време 2 батаци (или цела кокошка околу4-5 часа). Кога се сварени, се вадат од водата каде се вареле, се мијат убаво, се чистат од коските се вади само месото и на даска се сецка ситно.

Во друго тенџере се става масло да се загрее колку да го прекрие дното. На загреано масло се додаваат 2 лажици брашно и се пржи на тивко со постојано мешање. Тоа е околу 1-2 минути. Повторно со постојано мешање се додава течноста во која се варело месото (претходно процедена). Се става постепено не наеднаш. Тураш течност и мешаш се додека ја добиеш саканата густина на течноста. Ако ти е густо а се потрошила течноста, додаваш жешка вода.
Се додава исецканото месо, вегета, црн бибер, и зеленчук по желба (1 рендан морков, малку иситнета брокула, 1 лажица грашок и сл.) и оставаш да вари уште 5-10 минути.
Пред да ја извадиш се додава 1 лажица лимонов сок и ситно сецкан лук.

[gkamcev]

fala none moze istoto i so teleska kako i so pileska...

[aha]

Како што напишала Ноне плус може да се стави и ориз една лажица ,ама по желба кој како сака нели.

Кисела чорба

Во малку масло се прави запршка од една главичка сечкан кромид и малку брашно.Кога ќе зацрвени се додава црвен пипер ,2 чешниња лук ,ловоров лист,и се налева литар и пол вода.Кога чорбата ќе проврие се додава вегета по вкус и се кршат онолку јајца колку ќе има порции или луѓе за ручек.Кога е готова се зачинува со 3 лажици кисела павлака и малку оцет или лимон.


Бела чорба

Се сечкат 2 моркови ,1 китка магдоноз,1 корен од пашканат.Главичката кромид се сече на половина и се пече на плочата од шпоретот.Се става вода се додава кромидот,лук,пилешко иситнето ,црн пипер,ловоров лист ,вегета и една шоља ориз.Запршка 1 л. масло и 1 л. брашно.На крај лимон,оцет и 2 јајца се додаваат.


Јагнешка чорба

750 гр. јагнешко месо,половина јагнешка глава,1 главица кромид ,црн пипер,,брашно,црвен пипер,1 жолчка,кисело млеко или павлака,оцет и шоља ориз.
Месото се сечка на парчиња од главата и другото исто,се мие се става во сад со 2 литри вода студена.Кога ќе зоврие се става магдоноз,кромид и крупни зрнца пипер.
После 2 часа во помал сад ставете масло,2 л. брашно и малку црвен пипер кога ќе добие жолта боја.Запржена чорбата нека проврие пола час на тивко.Пред да се стави во садот во кој ќе се служи треба да се процеди и после да се зачини.Може да се стави оризот доколку сакате со ориз да се свари. Во друг сад се мати жолчката,чаша кисело млеко или три лажици павлака измешајте и пополека додавајте во чорбата.На крај малку оцет или лимон по желба.


Чорба од спанаќ

Пола килограм спанаќ,1 лажица масло,1 лажица брашно,супа од месо или зеленчук во коцка,сол,црн пипер,кисело млеко.Исчистен спанаќот се спушта во вриена и посолена вода,се проварува.Се цеди потоа се сече или мели ,се спушта на запршка од масло и брашно,се промешува и се налева супата.Се посолува и забиберува.Се вари 10 минути на тивок оган.Се служи со кислео млеко.

Чорба од риба не јадам ама можам да ви најдам рецепт :)