Златниот венец на поезијата за Nancy Morejón

[nikolovski_1]

Нанси Морехон, добитник на златниот венец на поезијата

Во конкуренција од 8 светски поети, советот на фестивалот Струшки вечери на поезијата одлучил Златниот венец на 45-то издание да и го додели на Нанси Морехон, поетеса од Куба.

Родена 1944 година во Хавана. Досега има објавено 12 збирки поезија и ги има добиено најпрестижните кубански книжевни награди.

Нејзината поезија е преведена на англиски, француски, потругалски, италијански, руски, германски, полски и холандски јазик. Во моментов го раководи Институтот за карипски студии во Хавана.

„Нанси Морехон е водечки кубански автор и врвен современ карибски поет на шпански јазик. Во својата поезија таа ги идентификува оригиналните африкански карактеристики на кубанското општество и неговата традиција, инкорпорирајќи ги низ поетски ритми и експериментални јазични техники и иновации во својата поезија. Исто така таа го препознава и оживува гласот на кубанската, карибската и латиноамериканската жена во својата поезија“, изјави Зоран Анчевски, претседател на Управниот одбор на СВП.

Нанси Морехон го потврдила своето доаѓање во Струга. Таа, по Десанка Максимовиќ, е втора жена добитник на златниот венец.