Преку атлантикот за 10 ЕВРА

[Unreal]

Доволно е да се прочита само болдираниот дел и вака јавно да прашам..Зошто ако толку се прокламира нашиот премиер дека сака да му помогне на народот, не ја донесе Рајан Ер, да му биде конкуренција на МАТ?

Преку Атлантикот за 10 евра

Мајкл О’Лири
Нискобуџетска авиокомпанија „Рајан ер“ најавува рекордно ниска цена за летање преку Атлантикот за само 10 евра. Нејзиниот сопствник Мајкл О’Лири верува дека еден билет за патување од Велика Британија до САД може да чини помалку од цената на едно возење со такси низ Лондон, јави дописникот на МИА од Лондон.

О’Лири најави дека малата цена на авионската карта ќе трае во период до три години и дека тоа ќе функционира меѓу британските и слабо фрекфентните американски аеродроми, како што се Балтимор или Провиденс на источниот брег од САД. Тој исто така се надева дека авионите ќе бидат полни со патници, најавувајќи забрзана набавка на авиони за подолги дестинации.

„Рајан ер“ е позната европска никобуџетска компанија која лета меѓу Велика Британија и Ирска и на дестинации во европскиот континент по многу ниски цени. Нејзините планови за проширување на бизнисот и кон земјите од Балканот и Југоисточна Европа не успеаја иако за тоа ја имаше и поддршката од Европската унија, затоа што државите во регионот настојуваат да ги одржуваат своите национални компании со „пумпање пари“ од државните буџети на штета на патниците кои и натаму плаќаат скапи авионски карти кон и од Европа.

Плановите на „Рајан е“ за следните три години ја поттикнаа канадската авионска компанија „Зум“ веќе од почетокот на јуни годинава да понуди авионска карта од Велика Британија до САД и до Канада за 129 фунти (околу 190 евра). Тоа е цена пониска од онаа што во моментот ја нудат „Бритиш ервејз“ и „Вирџин“ кои се најголеми авиоопревозници на трансатлантските комерцијални летови.

Претставник на „Бритиш ервејз“ изјави дека не стравува од никаква конкуренција, објаснувајќи дека „никој не може да одржува 11 лета дневно од лондонски Хитроу до Нјујорк“.

Претставник на „Вирџин“ тврди дека колку и да се наплатува цената се уште „никој не обезбедува толку висок стандард на патување“ за картата што ја продава оваа авиокомпанија.

И „Бритиш ервејс“ и „Вирџин“ последниве години мораа да ги намалат цените на авионските билети на сите дестинации, а посебно на оние кон САД, поради се поголемиот притисок од нискобуџетскте авионски компании, кои се покажаа силна конкуренција на авионскиот пазар во Европа.