Најтенкиот лап-топ на светот

Американскиот гигант за компјутерска технологија Apple го претставил најтенкиот пренослив компјутер на светот.

Овој преносник бил претставен на MacWorld 2008 кој бил одржан во Сан Франциско.

MacBook Air има 13,3 инчен екран, тастатура која свети и мулти-тач тракпад. Доаѓа со хард диск со капацитет од 80 гигабајти, а батеријата му држи пет часа.

Но, сепак не е се толку бело како што изгледа. Овој пренослив компјутер нема читач за дискови или било каков тип на медиуми.

Од компанијата се уверени дека ова нема на никој да му смета, бидејќи музика, филмови и се останато може да се симне од Интернет.

Компјутерот ќе започне да се продава за две недели, а цената ќе му се движи околу 1.800 американски долари.