Никој и никогаш не е сигурен дали дава премногу во врската или пак можеби премалку. Кога ќе се вљубиме нашиот природен инстинкт не тера да се предадеме потполно, со душа и...
...со тело. Нажалост, мора да се научиме да поставиме граница. Претераното давање може лесно да не повреди а и после раскинувањето сигурно ќе се прашувате: “зошто ме остави кога му дадов се”.
Кога да дадеме љубов и нежност?
“Те сакам”, навистина е посебен израз што можете да му го кажете на некого. Иако малку романтика и нежност се составен дел од играта, но не брзајте. Чувајте го љубовното “богатство” онолку како што ви е вредно. На тој начин за возврат ќе добиете многу повеќе. Врските, како и повеќето други работи, напредуваат или одат надолу, ретко остануваат исти. Трудете се вашите да напредуваат. Почнете како пријател, после тоа постепено градете го вашиот однос.
Кога да се даде ексклузивитет?
Ако започнете нов бизнис и имате само еден клиент, дали на тој клиент ќе му дадете до знаење дека е единствен? Одговорот е очигледен. Се разбира дека не. Нормално е да се претставите како успешни и доста ангажирани.
Ако не сте разговарале за вашата врска и не сте одлучиле дека ќе бидете моногамни, никогаш и на никого не му кажувајте како тој е единствен во вашиот живот. Никој нема да ја цени таа привилегија. Ако ве праша дали се гледате со други, тогаш одговорете му дека имате доста пријатели со кои често се гледате.
Кога да се даде подарок?
Давањето на подароци одолговлекувајте го што е можно повеќе. Покажете му дека ви значи но на други начини. Направете вечера, прошетајте го неговоро куче и сл. Ако дојде прилика во која мора да дадете подарок на пр. роденден, подарете нешто поевтино. Не се обидувајте да го импресионирате со тоа колку сте потрошиле на него. Наместо тоа, покажете колку сте креативни.
Давање информации.
Не зборувајте многу за себе. Немојте да бидете отворена нига и не прашувајте премногу. Ако тој слушне за некое ваше постигнување од некој друг, ќе разбере колку сте интригантни и поради тоа ќе му порасне интересот за вас. Ако зборувате за поранешните ваши врски, никогаш немојте да звучите како жртва.
Кога да се даде се’?
Кога веќе добро се сложувате, кога веќе ви покажа дека сте му единствена и дека навистина му е до вас, тогаш можете да му дадете се од себе. Но и тогаш обидете се да се заштитите, оставајќи некои активности или места само за себе. Ако со години сте практикувале да одите на море со родителите или пријателите, немојте ни оваа година да го носите и него. Никогаш немојте некого потполно да го вовлекувате во вашиот живот се до бракот. Ако некогаш ја изгубите таа личност, нема да изгубите и се’ ваше, туку само него.